Završno veče ovogodišnjeg jubilarnog 40. izdanja 1664 Blanc Montenegro Fashion Week-a, pod nazivom Drogerija Dama Fashion Night, donijelo je kolekcije dvije crnogorske dizajnerke Milene Đukanović i Jelene Marunović, srpske modne kreatorke Anje Radović, njene koleginice iz Bosne i Hercegovine Lorene Blagojević, dva brenda – Montana i Replay, ali i italijanskog kreatora Pietra Demita.
Veče je otvorila Milena Đukanović, kolekcijom "Chic Choc" koju je nedavno prikazala i na Nedjelji mode u Parizu, a koju je inspirisalo stvaralaštvo Koko Šanel i Elze Šiapareli.
Cijelu kolekciju povezivali su motivi krugova, ali i nakit i torbe izrađene 3D štampom.
Jelena Marunović predstavila je publici koleciju svog brenda JelMar, u kojoj su preovladavali komadi izrađeni od kože i teksasa.
